နိုင်ငံခြားသားဝန်ထမ်းခန့်အပ်ရေးဆိုင်ရာ ဘက်စုံကူညီရေးလုပ်ငန်း ကျွမ်းကျင်လုပ်သားစနစ်၏စားသောက်ကုန်ထုတ်လုပ်ငန်းနယ်ပယ်နှင့် ပြင်ပအစားအစာလုပ်ငန်းနယ်ပယ်

လက်ခံခဲ့သည့်ဥပမာများတင်ပြခြင်း

ကျွမ်းကျင်လုပ်သားများအား လက်ခံနေသောကုမ္ပဏီများနှင့်၊ ထိုကုမ္ပဏီများတွင် လုပ်ကိုင်လှုပ်ရှားနေကြသော ကျွမ်းကျင်လုပ်သားများ၏ အသံများကို မိတ်ဆက်ပေးပါမည်။

CASE08စားသောက်ကုန်ထုတ်လုပ်မှုလုပ်ငန်းKosugi Foods Co., Ltd.

ဗွီဒီယိုကဒီမှာ

အတူတကွအလုပ်လုပ်ကိုင်ရင်း စိုးရိမ်ကြောင့်ကြမှုများအား ဖျောက်ဖျက်ရင်း၊ လက်ရှိတွင် မည်သူမဆို အားထားရသော တည်ရှိမှု အဖြစ်

ထုတ်လုပ်မှုလိုင်းကိုညွှန်ကြားခြင်းနှင့် စီမံခန့်ခွဲခြင်းများပြုလုပ်နိုင်သောဝန်ထမ်းများအတွက်

လုပ်ငန်းအချက်အလက်

လုပ်ငန်းအကြောင်းအရာ : ဲပုပ်ထုတ်လုပ်ရောင်းချခြင်း
လုပ်သားဉီးရေ:၁၀၀ ဦး၀န်းကျင်
ကျွမ်းကျင်လုပ်သားအဖြစ် လက်ခံခဲ့သူအရေအတွက် : ၄ ဦး (ဗီယက်နမ်)

နိုင်ငံခြားလူသားအရင်းအမြစ်များအား ထည့်သွင်းလက်ခံရသည့် ရည်ရွယ်ချက်

လွန်ခဲ့သော၁၄နှစ်၀န်းကျင်မှစ၍ နည်းပညာသင်တန်းသားများအား လက်ခံနေလျက်ရှိပြီး၊ လူ့စွမ်းအားအရင်းအမြစ် မလုံလောက်မှုကို ဖြည့်တင်းနိုင်ရန် ကျွမ်းကျင်လုပ်သားခေါ်ယူမှုများကိုလည်း စတင်ခဲ့ပါသည်။ လုပ်ငန်းနည်းပညာ တိုးတက်ရေးသာမက၊ ဂျပန်တွင်နေထိုင်ရသည်ကိုပျော်ရွှင်သည်၊ ဤကုမ္ပဏီတွင် အလုပ်လုပ်ကိုင်ရသည်ကို ပျော်ရွှင်သည်ဟု ခံစားစေရင်း နေ့စဥ်အတူအကွ အလုပ်လုပ်ကိုင်လျက်ရှိပါသည်။ အမှန်အတိုင်းဆိုရလျင်၊ နိုင်ငံခြားသား၀န်ထမ်းများအား လက်မခံမီက၊ ဘာသာစကားအခက်အခဲကို စိုးရိမ်ခဲ့သော ၀န်ထမ်းအများအပြား ရှိခဲ့ပြီး၊ ၎င်းတို့ထဲတွင် လက်ခံရန် ကန့်ကွက်ခဲ့သောသူများပင် ရှိခဲ့ပါသည်။

သို့ရာတွင်၊ အတူတကွအလုပ်လုပ်ဆောင်ရင်း နိုင်ငံခြားသား၀န်ထမ်းများ၏ ထူးချွန်မှုကိုသိလာသည့်အခါ၊ ထိုကဲ့သို့သော စိုးရိမ်ကြောင့်ကြမှုများ၊ အထင်မှားနေမှုများမှာ ချက်ချင်းဆိုသလို ပျောက်ကွယ်သွားပြီး၊ လက်ရှိတွင်မှု ၎င်းတို့၏လုပ်နိုင်စွမ်းကို ၀န်ထမ်းများအားလုံးမှ အားထားနေရပါသည်။ ယမန်နှစ်ကဆိုလျင် ကိုရိုနာမပြန့်ပွားမီ ရွေးချယ်ထားသော နိုင်ငံခြားသား၀န်ထမ်းများ၏ ပြည်၀င်ခွင့် နောက်ကျခဲ့ပြီး၊ ၎င်းတို့အား စိတ်ပင်ပန်းစေခဲ့ရပါသည်။ စားသောက်ကုန်ထုတ်လုပ်မှုလုပ်ငန်းလည်း ဖြစ်သည့်အတွက်၊ နိုင်ငံတော်မှချမှတ်သည့် ကွာရန်တင်းရက်ပြည့်သည့်နောက် အဆောင်တွင် တစ်လထပ်နေစေခဲ့ရသော်လည်း၊ စာပို့အပလီကေးရှင်းဖြင့် နေ့စဥ်ဆက်သွယ်ပြီး အထီးမကျန်စေရန် ကြိုးစားဆောင်ရွက်ခဲ့ပါသည်။

နိုင်ငံခြားသားဝန်ထမ်းများလက်ခံရသည့်ရည်ရွယ်ချက်

နိုင်ငံခြားသားဝန်ထမ်းများ၏ အလုပ်နှင့် နေထိုင်မှုအခြေအနေ

ကျွမ်းကျင်လုပ်သားများသည်၊ ပဲပုပ်ထည့်သည့်လုပ်ငန်းကို အဓိကထား၍၊ ထုတ်ပိုးမှုလုပ်ငန်းစသည်တို့တွင်လည်း လုပ်ဆောင်လျက်ရှိသည်။ စက်ပစ္စည်းများကိုင်တွယ်ရသည့်အပြင်၊ ရုံးတွင်းအရည်အချင်းလက်မှတ်လိုအပ်သည့် ကုန်ပစ္စည်းများအားစစ်ဆေးရသည့်အလုပ်ကို ခန့်အပ်ခံရသူများလည်း ပေါ်ထွက်လာလျက်ရှိသည်။ ကုန်ပစ္စည်းများအားစစ်ဆေးရသည့်အလုပ်ဆိုသည်မှာ၊ တရဲနှင့်ခရရှိအထုပ်များ နေရာတကျထည့်ထားခြင်းရှိမရှိ၊ အတွင်းရှိပစ္စည်းနှင့် အပြင်ဘက်အထုပ် တသားတည်းရှိမရှိ စသည်တို့ကို စစ်ဆေးရသည့် အရေးကြီးသော အလုပ်ဖြစ်ပါသည်။ ကျွန်ုပ်တို့ကုမ္ပဏီသည် ပစ္စည်းအမျိုးအစားများများကို အရေအတွက်စိတ်စိတ်မြန်မြန် ထုတ်လုပ်နိုင်သည်ကို အားသာချအဖြစ်အသုံးချသည့်အတွက်၊ ပစ္စည်းစစ်လက်မှတ်ရရန်မှာ ပစ္စည်း ၃၀ ၀န်းကျင်ခန့်ကို မှတ်သားနိုင်ရန် လိုအပ်ပါသည်။ ကျွမ်းကျင်လုပ်သားဖြစ်သည့် တီအန်စံမှာ ၎င်းလက်မှတ်အား အောင်မြင်ထားပြီး၊ ဂျပန်လူမျိုးများထက်ပင် တင်းကြပ်စွာ စစ်ဆေးပေးလျက်ရှိပါသည်။

ထို့ပြင်၊ အဆောင်တွင် နိုင်ငံမတူသော နိုင်ငံခြားသားအချင်းချင်း ရိုင်းပင်းကူညီရင်း၊ သင်ကြားရင်း နေထိုင်လျက်ရှိပါသည်။ နိုင်ငံအချင်းချင်းကြားရှိ နိုင်ငံရေးဆိုင်ရာ ပဋိပက္ခများက သက်ရောက်မှုဖြစ်နိုင်မလားဟု စိုးရိမ်ခဲ့သောလည်း၊ မလိုအပ်ဘဲစိုးရိမ်ခဲ့မှုသက်သက်သာ ဖြစ်ခဲ့ပါသည်။ အချင်းချင်း ၁၀၀ရာခိုင်နှုန်းမဟုတ်သော ဂျပန်ဘာသာစကားဖြင့် ကြိုးစားပြောဆိုရင်း၊ အလွန်ကောင်းမွန်သော ဆက်ဆံရေးကို တည်ဆောက်လျက်ရှိကြပါသည်။

နိုင်ငံခြားသားဝန်ထမ်းများ၏ အလုပ်နှင့် နေထိုင်မှုအခြေအနေ

နောက်ဆက်တွဲစနစ်

နိုင်ငံခြားသား၀န်ထမ်းများနှင့် ဆက်ဆံပြောဆိုနိုင်ရန်၊ နိုင်ငံခြားသား၀န်ထမ်းများမှ ဂျပန်၀န်ထမ်းများအား အမိဘာသာစကားကို သင်ကြားပေးသည့် သင်ကြားရေးပွဲကို ကျင်းပြလျက်ရှိသည်။ “သင်ကြားရေးပွဲ” ဟု အမည်တပ်သော်လည်း၊ အမှန်တကယ်အားဖြင့်မှာ ဘာသာစကားသင်ယူရာမှတဆင့်၊ တဖက်သား၏ နိုင်ငံအခြေအနေကိုနားလည်ပြီး၊ စကားလက်ဆုံကျကာ ပျော်ရွှင်စွာအချိန်ကုန်ဆုံးရန်သာ ရည်ရွယ်ပါသည်။ ဆရာနေရာမှ နိုင်ငံခြားသားများအနေဖြင့်လည်း မိမိနိုင်ငံ၏ဘာသာစကားအား ကျွန်ုပ်တို့မှတ်သားသည်ကို ၀မ်းသာနေကြသည့်အတွက်၊ နောက်နောင်တွင်လည်း ဆက်လက် ကျင်းပသွားချင်ပါသည်။ ထို့ပြင်၊ ဗိုလန်တီယာသန့်ရှင်းရေး၊ ဘာဘီကျူး စသည့် ရုံးတွင်းပွဲများမှတဆင့်၊ အချင်းချင်းနားလည်မှုများအား နက်ရှိုင်းစေလျက်ရှိပါသည် (※ကိုရိုနာဗိုင်းရပ်စ်ပြန့်ပွားမှုကာကွယ်ရေးအတွက်၊ လက်ရှိတွင်ပွဲကျင်းပမှုမရှိပါ)။

ကျွမ်းကျင်လုပ်သားနှင့် အင်တာဗျူး

ရုံးတွင်းအရည်အချင်းလက်မှတ်ရရှိ။ လက်ရှိအလုပ်ကို ဟာကွက်မရှိပြီးပြည့်စုံစွာလုပ်ဆောင်နိုင်ချင်

ဂွမ်မင်းတီအန်

၂၀၁၅ခုနှစ်တွင် အလုပ်သင်သင်တန်းသားအဖြင့် ဗီယက်နမ်မှ ဂျပန်သို့ရောက်ရှိပြီး၊ ၂၀၂၀ခုနှစ် မေလမှစတင်ကာ ကျွမ်းကျင်လုပ်သားအဖြစ် ဤကုမ္ပဏီတွင် လုပ်ကိုင်လျက်ရှိသည်။ ပစ္စည်းစစ်လုပ်ငန်း ရုံးတွင်းအရည်အချင်းလက်မှတ်တွင် စာတွေ့နှင့်လက်တွေ့စာမေးပွဲရှိပြီး၊ စာမေးပွဲအောင်ရန် အလုပ်ပြီးချိန်တွင် အဆောင်တွင် စာလေ့လာခဲ့ပါသည်။ ပစ္စည်းများမှာ အမယ်များပြီး၊ ၎င်းတို့၏အမည်များကိုမှတ်သားရသည်မှာ ခက်ခဲခဲ့သော်လည်း၊ လုပ်ဖောင်ကိုင်ဖက် ဂျပန်လူမျိုးများဆီမှ သင်ယူရင်း ကြိုးစားခဲ့ပါသည်။ လက်တလောတွင် ခန်းဂျိလေ့လာရေးတွင် အားထည့်နေပါသည်။ အရင်ဦးဆုံး လက်ရှိခန့်အပ်ခံရသောအလုပ်ကို ဟာကွက်မရှိ ပြီးပြည့်စုံစွာလုပ်ဆောင်နိုင်ရန်မှာ ရည်ရွယ်ချက်ဖြစ်ပါသည်။

အကောင်းဆုံးသာဓကများ တင်ပြခြင်း (ပြင်ဆင်ဆဲ)

ကျွမ်းကျင်လုပ်သားနိုင်ငံခြားသားများကို လက်ခံလျက်ရှိသည့် လုပ်ငန်းများနှင့် ထိုလုပ်ငန်းများတွင် အလုပ်လုပ်နေသည့် ကျွမ်းကျင်လုပ်သားနိုင်ငံခြားသားများ၏ပြောကြားချက်များကို တင်ပြပါမည်။

စားသောက်ကုန်ထုတ်လုပ်ငန်း

ပြင်ပအစားအစာလုပ်ငန်း

လက်ခံခဲ့သည့်ဥပမာများတင်ပြခြင်း

စုံစမ်းမေးမြန်းရေးရုံးဖွင့်ချိန် (စနေတနင်္ဂနွေ၊ ပွဲတော်ရက်များ၊ နှစ်သစ်ကူးပိတ်ရက်များမှ အပ) ကြားရက် - 10:00 မှ 17:30 ထိ

နိုင်ငံခြားသားဝန်ထမ်းများအတွက် တိုင်ပင်ဆွေးနွေးရေးဌာန* အီးမေးလ်ဖြင့်သာ စုံစမ်းမေးမြန်းပါရန် ပန်ကြားအပ်ပါသည်။

maff-gaikokujinzai@jtb.com