ក្រុមហ៊ុនរបស់យើងដំណើរការហាងលក់នំបែបស្ចិមប្រទេសមានចំនួន៥នៅក្នុងខេត្តស៊ីហ្សឹអុកា។ បុគ្គលិកជំនាញជនបរទស៤នាក់កំពុងធ្វើការនៅរោងចក្រផលិតនំដុត និងនៅគ្រប់ហាងលក់នំខេក។

រោងចក្រផលិតមានទីតាំងនៅទីក្រុងហាម៉ាម៉ាត្សឹជាកន្លែងដែលមានទីស្នាក់ការកណ្តាលរបស់ក្រុមហ៊ុនធំៗផលិតរថយន្ត ម៉ូតូ ឧបករណ៍តន្ត្រីជាដើមហើយមានក្រុមហ៊ុនទទួលយកផលិតបន្តជាច្រើនដែរ។ ដោយសាររោងចក្រទាំងនេះកំពុងបន្តជ្រើសរើសបុគ្គលិក តែក្នុងឧស្សាហកម្មផលិតចំណីអាហារគឺមាននិន្នាការពិបាកក្នុងការស្វែងរកបុគ្គលិកថែមទាំងឧស្សាហកម្មនេះមានបញ្ហាកង្វះកម្លាំងពលកម្មយូរមកហើយ។

កាលពីមុន ការផលិតនំខេកនិងនំបែបបស្ចិមប្រទេសគឺជាការងារដែលទាមទារ"ហត្ថកោសល្ប" ប៉ុន្តែឥឡូវនេះម៉ាស៊ីនត្រូវបានអភិវឌ្ឍន៍ហើយក៏មិនមានដំណើរការផលិតដែលទាមទារជំនាញឯកទេសច្រើននោះទេ។ ដោយសារនៅរោងចក្ររបស់យើងផងដែរម៉ាស៊ីនកំពុងរីកចម្រើន យើងគិតថាវានឹងផ្តល់បរិយាកាសងាយស្រួលធ្វើការជាងសម្រាប់ធនធានមនុស្សជនបរទេស ដូច្នេះយើងក៏ចាប់ផ្តើមជ្រើសរើសបុគ្គលិកជំនាញជនបរទសមកធ្វើការ។

បច្ចុប្បន្នបុគ្គលិកជំនាញជនបរទសដែលកំពុងធ្វើការមានបុរស២នាក់និងស្ត្រី២នាក់ សរុប៤នាក់ ហើយពួកគេទាំងអស់គ្នាកំពុងជួយក្នុងការផលិតនំបែបបស្ចិមប្រទេស។ បុរសត្រូវទទួលបន្ទុកជាចម្បងលើកិច្ចការដែលទាមទារកម្លាំងដូចជាការដាក់និងដកថាសដែកដែលដាក់ម្សៅចេញពីឡ ចំណែកស្ត្រីវិញគឺតុបតែងនំខេកជាដើម។

ចំពោះការធ្វើការ ពួកគេពិតជាឧស្សាហ៍ព្យាយាម ហើយការងាររបស់ពួកគេមានគុណភាពដូចគ្នាទៅនឹងបុគ្គលិកជប៉ុនដែរ។ យើងគិតថា វាពិបាកសម្រាប់ពួកគេក្នុងការរៀនភាសាជប៉ុនព្រោះមានពាក្យបច្ចេកទេសជាក់លាក់ក្នុងការធ្វើនំបែបបស្ចិមប្រទេស និងនំខេក ប៉ុន្តែពួកគេម្នាក់ៗហាក់ដូចជាកំពុងសិក្សាដោយខ្លួនឯងរៀងៗខ្លួន។ វាមានរយៈពេលប្រហែលមួយឆ្នាំហើយចាប់តាំងពីបុគ្គលិកស្រីទាំងពីរនាក់បានចាប់ផ្តើមធ្វើការ ពួកគេវ៉ៃក្រែមដោយប្រើដៃហើយថ្វីដៃរបស់ពួកគេមានការរីកចម្រើន។ នៅពេលអនាគត ខ្ញុំសង្ឃឹមថាពួកគេនឹងរៀនពីបច្ចេកទេសណាត់ប៉េ (ការងារលាបក្រែមលើផ្ទៃនំខេកជាដើម) ហើយនិងអាចធ្វើការតុបតែងនំបានដោយខ្លួនឯងបាន។