សាអាជីវកម្មចម្បងរបស់ក្រុមហ៊ុនយើងគឺការផលិតអាហារ ហើយយើងផលិតអាហារបង្កកសម្រាប់មនុស្សវ័យចំណាស់និងមនុស្សដែលមានការពិបាកក្នុងការទំពារឬអាចហៅម្យ៉ាងទៀតអាហារថែទាំ ក្នុងមួយខែពី ១៥០,០០០ទៅ ១៨០,០០០កញ្ចប់ ក្រៅពីនេះក៏មានដូចជាផលិត OEM ដែលផលិតផលជាអំណោយដូចជាអុសិជីជាអាហារចូលឆ្នាំថ្មីជាដើម។

នៅពេលដែលយើងចូលទៅក្នុងសង្គមដែលមានមនុស្សវ័យចាស់ជរាច្រើន ទំហំទីផ្សារនៃអាហារថែទាំនៅតែបន្តពង្រីក ហើយតម្រូវការអាហារកែច្នៃដែលលក់នៅហាងខំពីនី និងផ្សារទំនើបក៏ត្រូវបានរំពឹងថានឹងកើនឡើងផងដែរ។ បន្ថែមពីនេះ ដោយសាមានការរព្យាករណ៍ថាតម្រូវការអាហារជប៉ុននៅក្រៅប្រទេសក៏មានការកើនឡើង ដូច្នេះឈរទៅលើចក្ខុវិស្ស័យរយៈពេលវែងយើងគិតថាវាការចាំបាច់ក្នុងការពង្រីកទំហំរបស់ក្រុមហ៊ុន។ ដូច្នេះហើយ យើងចង់ធានាបាននូវធនធានមនុស្សវ័យក្មេងដែលអាចបំរើការងារបានយូរ ប៉ុន្តែដោយសារតែវាពិបាកសម្រាប់សហគ្រាសធុនតូច និងមធ្យមក្នុងការធានាបាននូវធនធានមនុស្ស ដែលជាមូលហេតុយើងបានទទួលយកបុគ្គលិកជំនាញជនបរទេសជាលើកដំបូងក្នុងឆ្នាំ២០២១។ នាពេលខាងមុខយើងក៏មានគម្រោងបន្តជ្រើសរើសជាប្រចាំ។ រោងចក្ររបស់ក្រុមហ៊ុនយើងមានផលិតផលច្រើនប្រភេទដែលជាផលិតផលផលិតក្នុងបរិមាណតិច ដូច្នេះបុគ្គលិកផ្នែកផលិតត្រូវបានទាមទារកអោយចងចាំការងារផ្សេងជាច្រើន និងសមត្ថភាពឆ្លើយតបដោយភាពបត់បែន។ ម្យ៉ាងទៀត ដោយសារយើងជាក្រុមហ៊ុនផលិតអាហារ វាជាការសំខាន់ណាស់ក្នុងការប្រយ័ត្នប្រយែង និងការផ្ចិតផ្ចង់ខ្លាំងទៅលើការគ្រប់គ្រងអនាម័យ។ ក្នុងការជ្រើសរើសបុគ្គលិកជំនាញជនបរទេស យើងបានពិនិត្យដោយប្រុងប្រយ័ត្ននដូចជារបៀបសរសេរប្រវត្តិរូបរបស់ពួកគេ របៀបឆ្លើយសំនួរអំឡុងពេលសម្ភាសន៍ និងថាតើពួកគេអាចធ្វើការជាក្រុមបានទេ ទាំងនេះជាអ្វីដែលក្រុមហ៊ុនមើល និងដើម្បីកំណត់ថាតើពួកគេអាចធ្វើការបានលឿន និងត្រឹមត្រូវដែរឬទេ។

បច្ចុប្បន្ន បុគ្គលិកជំនាញជនបរទេសដែលកំពុងធ្វើការនៅក្រុមហ៊ុនយើងខ្ញុំមានជនជាតិវៀតណាមបុរសម្នាក់និងស្ត្រីម្នាក់។ លោក សុន ទទួលបន្ទុកការងារដែលត្រូវការកម្លាំងកាយ ដូចជាដាក់គ្រឿងផ្សំក្នុងម៉ាស៊ីនលាយ និងដឹកជញ្ជូនគ្រឿងផ្សំពេលលាយរួច ចំណែកអ្នកស្រី ហ្វុង ធ្វើការជាចម្បងលើសង្វាក់ផលិតកម្ម និងធ្វើការវេចខ្ចប់ផងដែរ។ ពួកគេទាំងពីរមានទឹកចិត្តខ្ពស់ និងខិតខំប្រឹងប្រែងយ៉ាងខ្លាំងលើការងារដែលត្រូវបានប្រគល់ឱ្យ ជាហេតុធ្វើឱ្យពួកគេក្លាយជាកម្លាំងដែលមិនអាចខ្វះបាននៅក្នុងរោងចក្រ។ បុគ្គលិកស្រីវៀតណាមដែលមានទិដ្ឋាការវិស្វកម្ម/ចំណេះដឹងសង្គមសាស្រ្ត/កិច្ចការអន្តរជាតិ គឺជាជំនួយដ៏ធំក្នុងការជួយដល់ពួកគេទាំងពីរ។ បុគ្គលិកស្រីវៀតណាមនោះបានធ្វើការនៅប្រទេសជប៉ុនអស់រយៈពេលជាង១០ឆ្នាំ ដូច្នេះគឺគ្មានបញ្ហាភាសាហើយគាត់អាចផ្តល់ដំបូន្មានដែលលក្ខណៈសម្បត្តិគ្រប់គ្រាន់ទៅលើបញ្ហាតូចៗក្នុងជីវិតប្រចាំថ្ងៃ ការព្រួយបារម្ភជាពិសេសរបស់ជនជាតិវៀតណាម និងអាជីពបន្ទាប់ពីត្រឡប់ទៅប្រទេសជប៉ុនវិញ គាត់គឺជាវត្តមាន១រូបដែលអាចពឹងពាក់បាន។ គាត់ជាអ្នកដាក់ពាក្យសុំធ្វើជាបុគ្គលិកការិយាល័យទូទៅរបស់ក្រុមហ៊ុនយើង ហើយយើងមានសំណាងណាស់ដែលមានគាត់ ដោយសារយើងចង់ឱ្យមាននរណាម្នាក់នៅក្នុងក្រុមហ៊ុនជួយពលករបរទេសជំនាញជាក់លាក់។ ដោយផ្អែកលើបទពិសោធន៍និងយោបល់របស់គាត់ ស្ថិតក្រោមចក្ខុវិស្ស័យរយៈពេលវែងក្រុមហ៊ុនយើងគិតចង់បង្កើតបរិយាកាសកន្លែងការងារដែលបុគ្គលិកជំនាញជនបរទេសអាចធ្វើការប្រកបដោយផាសុកភាព មានសន្តិភាពនៃចិត្ត និងរីកចម្រើន។ បច្ចុប្បន្ននេះ យើងកំពុងតែជួយបុគ្គលិកជំនាញជនបរទេសដោយពឹងផ្នែកលើអ្នកខាងក្រៅក្រុមហ៊ុន ប៉ុន្តែចាប់ពីឆ្នាំក្រោយ យើងមានគម្រោងពឹងផ្អែកទាំងស្រុងលើបុគ្គលិកស្ត្រីវៀតណាមនេះ រួមទាំងការងារក្នុងក្រុមហ៊ុនផងដែរ។