ក្រុមហ៊ុនរបស់យើង បានទទួលសិក្ខាកាមហ្វឹកហ្វឺនសម្ថភាពជំនាញប្រហែលបួនឆ្នាំមកហើយ។

នៅឆ្នាំ 2020 នៅពេលដែលយើងពង្រីករោងចក្រផលិតអាហារកកទីពីររបស់យើង យើងបានជ្រើសរើសជនបរទេសដែលមានទិដ្ឋាការសមត្ថភាពជំនាញជាក់លាក់ ចំនួនជាង 100 នាក់ ដែលអាចធ្វើការជាមួយគ្នាបានយូរ។

មានជនជាតិជប៉ុន សញ្ជាតិបរទេសជាច្រើនរស់នៅក្នុងទីក្រុង អ៊ីអេសាគិ និងនៅតំបន់ជុំវិញនោះ ហើយរោងចក្រ អ៊ិអេសាគិ មានប្រវត្តិការជ្រើសរើសមនុស្សជាច្រើនដែលមានឫសគល់នៅបរទេសចាប់តាំងពីការចាប់ផ្តើមប្រតិបត្តិការក្នុងឆ្នាំ 1999 ។

ដូច្នេះហើយ ខ្ញុំគិតថា រោងចក្របានបង្កើតគ្រឹះរួចហើយដើម្បីធ្វើការជាមួយបុគ្គលិកជនជាតិបរទេស ហើយបរិយាកាសងាយស្រួលក្នុងការទទួលយក។

ឧស្សាហកម្មម្ហូបអាហារ ជាពិសេសវិស័យអាហារកក នៅតែបន្តស្ថានភាពខ្វះខាតបុគ្គលិក។

ប្រសិនបើ ត្រូវការចំនួនមនុស្សជាច្រើននៅពេលអនាគត កម្លាំងនៃបុគ្គលិកជនជាតិបរទេសនឹងមិនអាចខ្វះបាន។

ខ្ញុំសង្ឃឹមថាជនជាតិបរទេសដែលមានទិដ្ឋាការសមត្ថភាពជំនាញជាក់លាក់ នឹងបន្តជួយក្នុងរយៈពេលយូរ។

ជនជាតិបរទេសដែលមានទិដ្ឋាការសម្ថភាពជំនាញជាក់លាក់គឺទទួលបន្ទុកលើការងារជាច្រើនដែលទាក់ទងនឹងការផលិតដូចជា ការថ្លឹងគ្រឿងទេស ការចម្អិនអាហារ និងរៀបចំដាក់ប្រអប់។

អាកប្បកិរិយាការងារយ៉ាងណាក៏ដោយគឺខិតខំប្រឹងប្រែង។

នៅពេលអនាគតខ្ញុំកំពុងគិតអំពីការអោយគ្រប់គ្រងប្រតិបត្តិការនៃម៉ាស៊ីនជាដើម។

ជនជាតិបរទេសដែលមានទិដ្ឋាការសម្ថភាពជំនាញជាក់លាក់ភាគច្រើនគឺមានបទពិសោធន៍ជាសិក្ខាកាមហ្វឹកហ្វឺនជំនាញ ហើយស៊ាំជាមួយក្រុមហ៊ុនជប៉ុន ដូច្នេះហើយខ្ញុំមានអារម្មណ៍ថាពួកគេឆាប់យល់ពីការណែនាំការងារ។

មានបំណងប្រាថ្នាយ៉ាងមុតមាំក្នុងការឈានជើងទៅកាន់គោលដៅ «បន្ទាប់ខ្ញុំចង់អាចធ្វើរឿងបែបនេះបាន» ហើយមានមនុស្សជាច្រើនដែរគិតយ៉ាងច្បាស់លាស់អំពីអនាគត។

នៅពេលដែលខ្ញុំឃើញរូបរាង ចំពោះការព្យាយាមដើម្បីក្លាយជាកម្លាំងរបស់ក្រុមហ៊ុនឱ្យបានឆាប់តាមដែលអាចធ្វើទៅបាន និងទឹកមុខដែលនិយាយអំពីគោលដៅ តាមដែលអាចធ្វើទៅបានគឺខ្ញុំចង់ជួយគាំទ្រ។

ជនជាតិបរទេសដែលមានទិដ្ឋាការសម្ថភាពជំនាញជាក់លាក់ភាគច្រើនគឺជនជាតិវៀតណាមក៍ដោយ ប្រសិនបើមានមិត្តភក្តិជាច្រើនមកពីប្រទេសដូចខ្លួន ការដែលមានអារម្មណ៍កក់ក្តៅវាប្រហែលជាគុណសម្បត្តិ។

យើងបានមើលឃើញនូវសកម្មភាពជួយគ្នាទៅវិញទៅមកដូចជា ពេលដែលនិយាយដោយប្រើប្រាស់ភាសាជប៉ុនពិបាក អ្នកដែលពូកែភាសាជប៉ុនគឺជួយអ្នកដែលមិនសូវពូកែជាដើម។