ដោយពិចារណាលើកង្វះខាតកម្លាំងពលកម្មដែលជាបញ្ហារួមក្នុងវិស័យកែច្នៃជលផលនិងការឆ្លើយតបចំពោះកំណែទម្រង់របៀបធ្វើការងារ យើងបានទទួលយកបុគ្គលិកបរទេសដែលរួមមានអ្នកមានទិដ្ឋាការសមត្ថភាពជំនាញជាក់លាក់ចំនួន 4 នាក់ជាលើកដំបូងនៅឆ្នាំ 2020។

3 នាក់ក្នុងចំណោមអ្នកមានទិដ្ឋាការសមត្ថភាពជំនាញជាក់លាក់ បានបញ្ចប់កម្មសិក្សាជំនាញនៅយ៉ៃហ្ស៊ុ។ នៅក្នុងតំបន់យ៉ៃហ៊្សុ ស្ថាប័នផ្តល់ជំនួយដែលចុះបញ្ជីតាមរយៈសហជីពដែលទាក់ទងនឹងជលផល កំពុងធ្វើសកម្មភាពដើម្បីឲ្យអ្នកដែលបានបញ្ចប់កម្មសិក្សាជំនាញ រស់នៅក្នុងសហគមន៍បានយូរ។ 3នាក់ក្នុងចំណោមអ្នកមានទិដ្ឋាការសមត្ថភាពជំនាញជាក់លាក់ដែលយើងបានទទួលយក ក៏ត្រូវបានណែនាំដោយស្ថាប័នផ្តល់ជំនួយដែលចុះបញ្ជីនោះដែរ។ ដោយសារយើងទទួលបានការណែនាំធនធានមនុស្សដែលអាចទុកចិត្តបានដោយបានស្វែងយល់ពីបុគ្គលិកលក្ខណៈនិងសមត្ថភាពក្នុងកំលុងពេលកម្មសិក្សាជំនាញ ហេតុនេះយើងអាចទទួលយកពួកគេដោយគ្មានក្តីបារម្ភ ហើយបច្ចុប្បន្ននេះក៏យើងនៅទទួលបានការជួយគាំទ្រលើផ្នែកផ្សេងៗផងដែរ។

យើងឲ្យពួកគេទទួលបន្ទុកការងារទាំងអស់នៅក្នុងដំណាក់កាលផលិតកម្ម។ វាជាលើកដំបូងសម្រាប់ពួកគេទាំង4នាក់ក្នុងការធ្វើការងារដែលពាក់ព័ន្ធនឹងត្រី ប៉ុន្តែសំណាងល្អដែលពួកគេមានបទពិសោធន៍ធ្វើការនៅប្រទេសជប៉ុននិងមានសមត្ថភាពស្តាប់ភាសាជប៉ុនត្រឹមកម្រិតមួយ ដូច្នេះពួកគេអាចបំពេញការងារបានតាមរយៈការបណ្តុះបណ្តាលក្នុងរយៈពេលខ្លី។

ក្រុមហ៊ុនយើងបញ្ជូនសាស៊ិមិត្រីធូណាក្នុងស្ថានភាពដែលអាចតាំងបង្ហាញបានទៅហាងលក់រាយ។ ដូច្នេះ ដំបូងយើងគិតថាប្រហែលជាពិបាកក្នុងការទាមទាររហូតទៅដល់ "គុណភាព" នៃការងារពីអ្នកមានទិដ្ឋាការសមត្ថភាពជំនាញជាក់លាក់ដែលមកពីប្រទេសដែលមិនមានវប្បធម៌នៃសាស៊ិមិ។ ប៉ុន្តែពួកគេស្តាប់ការណែនាំរបស់ពួកយើងដោយគោរពហើយខំប្រឹងធ្វើការយ៉ាងយកចិត្តទុកដាក់ ហើយរហូតដល់មានអ្នកដែលយល់ដឹងដល់កម្រិតដែលអាចទទួលខុសត្រូវការងាររៀបសាស៊ិមិផងដែរ។ វាជាការគិតខុសប៉ុន្តែគួរឲ្យសប្បាយចិត្តសម្រាប់ពួកយើង ដែលពួកគេអាចរួមចំណែកទាំងផ្នែកគុណភាពនិងបរិមាណដោយមិនមានបញ្ហាធំដោយសារតែវប្បធម៌ខុសគ្នា។

មូលហេតុមួយទៀតដែលធ្វើឲ្យពួកគេអាចបំពេញការងារបានដោយក្នុងរយៈពេលខ្លីនោះគឺដោយសារបុគ្គលិកលក្ខណៈរបស់ពួកគេ។ នៅពេលមកធ្វើការនិងចេញពីធ្វើការ ពួកគេធ្វើគារវកិច្ចដោយដោយសំឡេងឮៗ ហើយពេលពឹងពាក់ការងារ គឺពួកគេឆ្លើយតប "បាទ/ចាស" ដោយគោរពនិងទឹកមុខញញឹម។ ចំណុចនេះហើយដែលធ្វើឲ្យប្រាស្រ័យទាក់ទងគ្នាបានល្អ ហើយអាចចុះសម្រុងក្នុងក្រុមហ៊ុនបានដោយរលូន។