ប្រហែលជា 9ឆ្នាំមុនយើងបានចាប់ផ្តើមទទួលយកសិក្ខាកាមហ្វឹកហ្វឺនសមត្ថភាពជំនាញជាដើម ហើយបានចាប់ផ្តើមទទួលអ្នកមានទិដ្ឋាការសមត្ថភាពជំនាញជាក់លាក់ឲ្យចូលបម្រើការងារដើម្បីធានាបានប្រកបដោយស្ថិរភាពនូវធនធានមនុស្សនៅទីតាំងផលិតកម្ម។ ក្រៅពីសិក្ខាកាមហ្វឹកហ្វឺនសមត្ថភាពជំនាញនិងអ្នកមានទិដ្ឋាការសមត្ថភាពជំនាញជាក់លាក់ យើងក៏មានជនបរទេសដែលជាបុគ្គលិកពេញសិទ្ធិនៅផ្នែកអាជីវកម្មក្រៅប្រទេស កំពុងធ្វើការនៅក្នុងក្រុមហ៊ុនផងដែរ។ ម្យ៉ាងទៀត យើងក៏ជ្រើសរើសជនបរទេសធ្វើជាបុគ្គលិកនៅទីតាំងផលិតកម្មដោយសកម្មភាពជ្រើសរើសបុគ្គលិកតាមរយៈការិយាល័យស្ថិរភាពការងារសាធារណៈ ដោយជ្រើសរើសដោយមិនចាប់អារម្មណ៍ខ្លាំងជ្រុលថាពួកគេជាជនបរទេស ហើយបរិយាកាសធ្វើការជាមួយគ្នាត្រូវបានបង្កើតឡើង។

ក្រុមហ៊ុនយើងមានទីស្នាក់ការនៅបរទេសនៅប្រទេសចិននិងវៀតណាម ហើយកាលពីមុនក៏ធ្លាប់ជ្រើសរើសអតីតសិក្ខាកាមដែលបានបញ្ចប់កម្មសិក្សាជំនាញហើយត្រលប់ទៅប្រទេសកំណើតដោយក្រុមហ៊ុនបុត្រសម្ព័ន្ធនៅវៀតណាមផងដែរ។ ចំពោះការដំឡើងឋានៈជាបុគ្គលិកពេញសិទ្ធិជាដើមក្រោយពេលបញ្ចប់សមត្ថភាពជំនាញជាក់លាក់ គឺជាបញ្ហាដែលត្រូវពិចារណានៅពេលខាងមុខ ប៉ុន្តែទៅអនាគតយើងរំពឹងថាអ្នកមានទិដ្ឋាការសមត្ថភាពជំនាញជាក់លាក់ក៏នឹងក្លាយជាធនធានមនុស្សដែលអាចដើរតួនាទីសំខាន់នៅទីស្នាក់ការនៅបរទេសផងដែរ។

បម្រើការងារក្នុងខ្សែសង្វាក់ផលិតកម្មដូចជាការត្រួតពិនិត្យនិងវេចខ្ចប់ជាដើមនៅរោងចក្រអ៊ីហ្កាដែលផលិតសូកូឡាជាដើម។ ផលិតផលអាហារជប៉ុនមានមោទនភាពនឹងគុណភាពលំដាប់កំពូលនៅលើពិភពលោកផងដែរ។ ពិសេសចំពោះអ្នកមានទិដ្ឋាការសមត្ថភាពជំនាញជាក់លាក់ យើងចង់ឲ្យពួកគេទទួលបានចំណេះដឹងពីការគ្រប់គ្រងអនាម័យនិងការគ្រប់គ្រងគុណភាពកម្រិតខ្ពស់ដើម្បីកុំឲ្យបាត់បង់គុណភាពនោះ។ ម្យ៉ាងទៀត ខាងផ្នែកការរស់នៅវិញយើងយល់ថាពួកគេមានឆន្ទៈខ្ពស់ក្នុងការសិក្សាភាសាជប៉ុនដោយឃើញថាពួកគេចូលរួមថ្នាក់សិក្សាភាសាជប៉ុនយ៉ាងសកម្ម ឬចូលប្រលងការប្រលងវាស់ស្ទង់សមត្ថភាពភាសាជប៉ុនដោយខ្លួនឯង។